Shoqëria Palestineze e Gjysmëhënës së Kuqe ka njoftuar se forcat izraelite kanë bastisur kompleksin mjekësor Nasser dhe spitalin Al-Amal në Khan Younis në Rripin e Gazës jugore, mes të shtënave të forta, transmeton Anadolu.
“Mjetet e okupimit izraelit po rrethojnë spitalet Al-Amal dhe Al-Nasser në mes të granatimeve shumë intensive dhe të shtënave të forta me armë zjarri”, njoftoi Gjysmëhëna e Kuqe Palestineze.
Sipas njoftimit, mjetet e okupimit aktualisht po rrethojnë spitalin Al-Amal dhe po kryejnë punë të gjera gërmimi përreth spitalit.
“Të gjitha ekipet tona janë në rrezik ekstrem për momentin dhe janë plotësisht të pa lëvizur”, tha Gjysmëhëna e Kuqe Palestineze, duke theksuar se ekuipazhet e saj nuk janë në gjendje të varrosin trupin e kolegut të tyre Amir Abu Aisha në oborrin e spitalit.
Sot më herët, automjetet ushtarake izraelite hyrën papritmas pranë kompleksit mjekësor Nasser, duke përkuar me një seri bastisjesh izraelite në zona të ndryshme të qytetit, sipas dëshmitarëve okularë, duke shkaktuar edhe vdekje dhe lëndime.
“Amir Abu Aisha, një anëtar i dhomës së operacioneve emergjente të Gjysmëhënës së Kuqe Palestineze, u vra nga të shtënat derisa punonte brenda spitalit Al-Amal”, thanë burimet mjekësore për Anadolu.
Mijëra njerëz të zhvendosur u strehuan në kompleksin mjekësor Nasser për t’i shpëtuar operacioneve ushtarake izraelite.
Më 15 shkurt, forcat izraelite bastisën spitalin në një operacion ushtarak që zgjati dhjetë ditë, gjatë të cilit u vranë dhjetëra njerëz të zhvendosur, staf mjekësor dhe pacientë brenda spitalit, si dhe arrestuan qindra të tjerë.
Izraeli ka zhvilluar një ofensivë ushtarake vdekjeprurëse në Rripin e Gazës që nga sulmi ndërkufitar i 7 tetorit i udhëhequr nga Hamasi, në të cilin sipas Tel Avivit u vranë rreth 1200 njerëz.
Të paktën 32.200 palestinezë, kryesisht gra dhe fëmijë, janë vrarë në Gaza që atëherë dhe mbi 74.500 të tjerë janë plagosur në mes të shkatërrimit në masë dhe mungesës së nevojave themelore.
Izraeli akuzohet për gjenocid në Gjykatën Ndërkombëtare të Drejtësisë, e cila në një vendim të përkohshëm në muajin janar urdhëroi Tel Avivin të ndalojë aktet e gjenocidit dhe të marrë masa për të garantuar ofrimin e ndihmës humanitare për civilët në Gaza.
