Hamasi dhe Fronti Popullor për Çlirimin e Palestinës (PFLP) kanë dënuar vrasjen e dy fëmijëve palestinezë pranë një vendbanimi ilegal në Beit Ummar, në veri të Hebronit, duke e cilësuar si pjesë të një përshkallëzimi të ri të dhunës izraelite në Bregun Perëndimor.
Hamasi e quajti ngjarjen një “krim të rëndë” dhe akuzoi qeverinë izraelite për politika “fashiste” që synojnë të rinjtë dhe fëmijët. Ndërkohë, PFLP tha se vrasjet janë një tjetër episod në “dosjen e gjatë të krimeve” të Izraelit, duke theksuar se ato lidhen me një fushatë të organizuar për zgjerimin e vendbanimeve, ndërsa kolonët veprojnë me imunitet nën mbrojtjen e ushtrisë. /mesazhi
