Hungaria nuk është e sigurt nëse duhet të miratojë kërkesën e Suedisë e Suedisë për t’u anëtarësuar në NATO, tha kryetari i parlamentit Laszlo Kover për televizionin lokal.
“Nuk është e sigurt që ne duhet ta plotësojmë këtë kërkesë,” tha Kover, një ligjvënës i lartë nga partia qeverisëse Fidesz për HirTV, duke iu referuar Suedisë, raportoi Reuters.
Deklarata e tij pasoi një letër nga Ministri i Jashtëm hungarez Peter Sziart drejtuar homologut suedez Tobias Bilstrom javën e kaluar, në të cilën ai përsëriti shqetësimin e tij për akuzat “të njëanshme dhe të padrejta” nga disa politikanë suedezë kundër qeverisë hungareze.
Suedia aplikoi për anëtarësim në NATO vitin e kaluar në përgjigje të sulmit të Rusisë ndaj Ukrainës dhe shumica e anëtarëve të aleancës ratifikuan shpejt kërkesën e saj. Turqia dhe Hungaria ende nuk e kanë ratifikuar kërkesën e Suedisë dhe të dy vendet kanë thënë se po koordinojnë nga afër qëndrimin e tyre për këtë çështje. /abcnews
