Ish-kryeministrit Silvio Berlusconi, i cili ndërroi jetë më 12 qershor në spitalin ku po trajtohej në Itali, iu dha lamtumira e fundit nëpërmjet një funerali ceremonial shtetëror sot në Milano, raporton Anadolu.
Në Katedralen Duomo në Milano u mbajt funerali zyrtar për Berlusconin, i cili ndërroi jetë të hënën në spitalin San Raffaele, ku u shtrua për herë të tretë këtë vit për shkak të komplikimeve si pasojë e leukemisë kronike.
Ceremonia u mbajt nën masa të gjera sigurie, ndërkohë që sipas informacioneve në shtypin italian, trupi i Berlusconit do të dërgohet në krematorium dhe më pas hiri i tij do të ruhet në varrezën familjare.
Krahas familjarëve, në funeral morën pjesë edhe figura të tjera të larta politike. Nga Türkiye, pjesëmarrës ishin ministri i Jashtëm Hakan Fidan dhe zëvendëskryetari i AK Partisë, Ömer Çelik.
Po ashtu, të pranishëm ishin edhe simpatizantë të klubit të futbollit AC Milan, në të cilin Berlusconi kishte qenë president.
Me rastin e ceremonisë funerale, në Itali është shpallur ditë zie kombëtare, ndërsa falmujt janë ulur në gjysmështizë.
Ndryshe, Berlusconi ishte shtruar në spital në San Raffaele të Milanos më 9 qershor për shkak të komplikimeve të lidhura me një leukemi kronike të panjohur më parë.
Për shkak të problemeve serioze shëndetësore, Berlusconi ishte shtruar në San Raffaele edhe midis 5 prillit dhe 19 majit.
Më herët, më 27 mars, ai u shtrua për katër ditë në spital për kontrolle shëndetësore.
– Biznesmen, magnat mediatik, president i Milanos dhe kryeministër
Berlusconi, i cili hyri në politikë në vitin 1994 kur ishte biznesmen dhe magnat mediatik në Itali, udhëhoqi katër qeveri të ndryshme në periudhën 1994-2011 dhe ishte kryeministër për kohën më të gjatë në total. Ai ishte president i klubit futbollistik të Serie A-së, AC Milan.
Silvio Berlusconi, me investimet e tij në Milano, luajti një rol të madh në suksesin e klubit kuqezi si në Itali, ashtu edhe në Evropë.
Përveç personalitetit të tij, Berlusconi ishte shpesh i përfolur për skandalet seksuale dhe akuzat për korrupsion dhe la gjurmë në politikën italiane me ndëshkime dhe deklaratat e tij.
Italy honors three-time Premier Silvio Berlusconi with a state funeral and a day of national mourning, as thousands of people gathered outside Milan’s central Duomo cathedral https://t.co/38c5BQ6MLi pic.twitter.com/4XllGDfRKB
— Anadolu English (@anadoluagency) June 14, 2023
