Numri i njerëzve në Gjermani që aktualisht vuajnë nga një infeksion ose sëmundje ka arritur përmasa historike, deklaroi presidenti i Shoqatës Gjermane për Kujdesin Intensiv të Brendshëm dhe Mjekësinë Emergjente (ICU), Christian Karagiannids.
“Përqindja e sëmundjes në popullatë është aktualisht jashtëzakonisht e lartë, unë kurrë nuk kam përjetuar diçka të tillë,” shtoi ai.
Në shumë rajone, pothuajse të gjithë shtretërit e kujdesit intensiv janë të zënë, tha Karagiannidis, duke shtuar se ”infeksionet me koronavirus nuk janë më problemi kryesor”.
“Aktualisht jemi duke luftuar me një gamë shumë të gjerë sëmundjesh – gripin, viruset RS, koronaviruset dhe sëmundjet e tjera të frymëmarrjes, si dhe me urgjencat e zakonshme”, tha mjeku.
Karagiannidis tha se ai ”po llogariste në festat e ardhshme të Krishtlindjeve për të sjellë pak lehtësim, kështu që vëllimi në klinika zakonisht zvogëlohet dhe kapacitetet spitalore rriten përsëri”.
Përveç numrit jashtëzakonisht të lartë të pacientëve, spitalet gjermane aktualisht po luftojnë edhe me pengesat në furnizimin e një sërë ilaçesh.
