RTV AHIRETI
LajmeRajon dhe Botë

Itali – Moti i keq shkakton kaos në veri të vendit

itali-–-moti-i-keq-shkakton-kaos-ne-veri-te-vendit

Stuhitë shkatërruan shtëpi, rrëzuan pemë dhe shkaktuan rrëshqitje dheu në pjesë të Italisë Veriore mes motit të keq.

Në Bergamo, në verilindje të Milanos, 16 të rinj u shpëtuan pasi u bllokuan mes një stuhie breshëri të papritur dhe mjegullës së dendur.

Në provincën e Pordenones, në verilindje të Friuli-Venecia Xhulias, zjarrfikësit raportuan se ishin të zënë me pastrimin e rrugëve dhe duke kryer riparime të improvizuara në çatitë e dëmtuara nga stuhitë.

Rrëshqitjet e dheut bllokuan rrugët dhe një tunel në Livinjo, në Sondrio, pranë kufirit me Zvicrën.

Stuhitë dëmtuan gjithashtu vreshtat dhe lajthitë në zonën e Piemontes.

Meteorologët lëshuan gjithashtu një paralajmërim për stuhi në Toskanë, ku trafiku ajror u ndal përkohësisht, pas një zjarri që shpërtheu në një komunitet pranë aeroportit të Firences.

Ndërkohë, në Dolomite, autoritetet kanë paralajmëruar për rreziqe të reja në Marmolata, ku 11 persona humbën jetën si pasojë e shkrirjes së një akullnaje më 3 korrik. /atsh

Related posts

Shpërthim në një xhami në Pakistan, 70 të plagosur mes tyre dhe viktima

rezart morina

Përfshihet nga zjarri depo e një kompanie për prodhimin e parketit në Drenas

admin

Arrestohet një serb në Vushtrri, dyshohet për krime lufte kundër popullatës civile

admin6