RTV AHIRETI
FeaturedKosovëLajmeLajmet

Këshilli i Prindërve – Qeverisë: Ekzekutoni pagat për mësimdhënësit, mos tentoni t’i “disiplinoni” në forma tjera

keshilli-i-prinderve-–-qeverise:-ekzekutoni-pagat-per-mesimdhenesit,-mos-tentoni-t’i-“disiplinoni”-ne-forma-tjera

Këshilli i Prindërve ka bërë kërkesë te Qeveria e Kosovës që pagat për mësimdhënësit për muajin e grevës në shtator të ekzekutohen.

Në një postim në Facebook ata kanë thënë se pagat e mësimdhënësve duhen dhënë, ndërsa thonë se si këshill i prindërve kanë avokuar dhe deklaruar të drejtën kushtetuese dhe njerëzore të fëmijëve për përkujdesje, edukim dhe arsim publik të pamohueshëm.

Ata thonë se kanë kundërshtuar SBASHK-un por nuk janë dakord të krijohet një situatë edhe më e rëndë sesa greva dhe të gjithë ata mësimdhënës të mbesin pa paga.

“Grevat në arsimin e obligueshëm duhet të rregullohen me ligj dhe jo me forma të tjera “disiplinimi”.”, thuhet në reagim.

Ata kanë kërkuar menjëherë ekzekutimin e plotë të pagave për mësimdhënësit pa vonesë, ndërsa kanë kërkuar nga Qeveria që nëse nuk mund të bëjnë më mirë në arsim, të mos bëjnë më keq.

Related posts

Irani, akuza Perëndimit për luftë në Gaza: Nuk përmbushën detyrat e tyre

admin

Britania e Madhe: Vazhdimi i tensioneve në veri, vë në rrezik të arriturat gjatë viteve në Kosovë

admin

Plagosën me armë rojën e pyllit, arrestohen gjashtë persona në Gjilan

admin