Ministria e Punëve të Brendshme, saktësisht Qendra Kombëtare për Menaxhim Kufitar ka njoftuar për kolona të gjata në dalje në pikat kufitare Merdar, Dheu i Bardhë dhe Muçibabë.
Në përditësimin e fundit të orës 07:57 bëhet e ditur se për të dalë nga Kosova në pikëkalimin kufitar Merdar pritjet janë deri në tri orë.
Te pika kufitare Dheu i Bardhë pritjet për të dalë nga Kosova janë deri në një orë e gjysmë, ndërkaq në Muçibabë pritjet janë deri në 30 minuta.
Në pikat tjera kufitare nuk raportohet për kolona, as në hyrje e as në dalje.
