RTV AHIRETI
FeaturedKosovëLajmeLajmet

Komandanti i KFOR-it: Në Zveçan ka pasur profesionistë, të cilët me dashje kanë nxitur turmën

komandanti-i-kfor-it:-ne-zvecan-ka-pasur-profesioniste,-te-cilet-me-dashje-kane-nxitur-turmen

Komandanti i KFOR-it, Angelo Michelle Ristuccia, ka komentuar zhvillimet e fundit në veri të Kosovës, ku ka theksuar se po të mos ndërhynte KFOR-i “tani do të ishim duke mbajtur zi për të vdekurit”.

Ristuccia shtoi se në Zveçan ka pasur njerëz që me qëllim kanë nxitur turmën e banorëve serbë.

“Në sheshin në Zveçan ka pasur profesionistë të protestës të cilët me dashje kanë nxitur turmën”, ka thënë ai për gazetën italiane “La Repubblica”.

Ai foli edhe për ushtarët e KFOR-it që pësuan lëndime gjatë konfrontimit me protestuesit e dhunshëm, shkruan Telegrafi.

“Siç e dini, tridhjetë ushtarë të KFOR-it, 19 hungarezë dhe 11 italianë, pësuan një sulm frikacak gueril urban të hënën më 29 maj. Jam shumë pranë tyre dhe familjeve të tyre. Nëntë nga italianët janë në strukturën spitalore të bazës Camp Villaggio Italia, një është i shtruar në një strukturë në Prishtinë dhe një tjetër në Shkup. Mund të them se asnjëri prej tyre nuk është në rrezik për jetën, do të shërohen shpejt”, ka thënë ai.

Ai është pyetur edhe për mercenarët rus, pjesëtarët e Brigadës Wagner, për të cilët u tha se janë nisur për në Kosovë.

Komandanti i KFOR-it bëri të ditur se deri më tani nuk ka asnjë dëshmi për praninë e tyre në këtë zonë.

Related posts

E premte tragjike në Shqipëri, 11 humben jetën

admin

Forcat izraelite hodhën gaz lotsjellës në një shkollë në Bregun Perëndimor

rezart morina

Besimtarët muslimanë në Maqedoni të Veriut, Shqipëri dhe Kosovë falin namazin e Fitër Bajramit

admin6