RTV AHIRETI
FeaturedKosovëLajmeLajmet

Kontrabanda në veri, policia publikon fotografitë – Pesë të arrestuar, një në arrati

kontrabanda-ne-veri,-policia-publikon-fotografite-–-pese-te-arrestuar,-nje-ne-arrati

Pesë veturat dhe një kombi në fshatin Çeçevë të Zubin Potokut kanë refuzuar të ndalen para Policisë së Kosovës, kësisoj personat e dyshimtë kanë filluar të gjuajnë me armë zjarri në drejtim të policëve.

Sipas një njoftimi për media, në këtë rast janë arrestuar pesë persona dhe një tjetër është arratisur.

“Si rezultat i aktiviteteve policore në brezin kufitar, më 11.08.2023, rreth orës 03:20, bazuar edhe në informata që ka poseduar policia, ka reaguar në fshatin Kovaç (Farkëtarët), zona e përgjegjësisë e Stacionit Policor Kufitar-Jasenovik.

Në këtë rast janë arrestuar pesë persona të dyshuar për kontrabandë me mallra dhe sulmë ndaj personit zyrtar, ndërsa një person i dyshuar ka arritur të shmanget arrestimit dhe është larguar në drejtim të panjohur”, thuhet në njoftim.

Po ashtu në njoftim bëhet e ditur se për të vënë situatën nën kontroll dhe për të evituar sulmin e mëtejmë, e për të eliminuar çdo rrezik të mundshëm ndaj zyrtarëve policorë, janë përdorur pajisjet zyrtare “konkretisht armët e zjarrit nga zyrtarët policorë të përfshirë në këtë rast”.

Tutje në njoftim bëhet e ditur se në këtë operacion, janë sekuestruar katër vetura të cilat kanë qenë të përfshira në rastin konkret ku një njërën prej tyre është hasur një sasi e cigareve të cilat dyshohet se ishin duke u kontrabanduar përmes rrugëve ilegale nga Serbia.

Në vend ngjarje kanë dalë të gjitha njësitë relevante.

Rasti është duke u trajtuar nga hetuesit e Drejtorisë Rajonale Veriu, në koordinim me organet tjera kompetente.

Related posts

Kryeministri holandez fiton garën për të kryesuar NATO-n

RTI

Deputetja britanike: Serbia t’ua dorëzojë Radoiçiqin institucioneve kosovare të drejtësisë

rezart morina

Përfundon takimi me Vuçiç, O’Brien nga Beogradi: Shpresojmë se do të bëhet gjithçka që të themelohet Asociacioni

admin