Kryeministri i Kroacisë, Andrej Plenkoviq deklaroi se sulmet ajrore të Rusisë kohët e fundit kundër Ukrainës janë shtuar dhe se këto sulme forcojnë mbështetjen e Kroacisë për Ukrainën, transmeton Anadolu.
Në seancën e qeverisë, Plenkoviq bëri një vlerësim lidhur me shtimin e sulmeve ajrore të Rusisë kundër Ukrainës.
“Rusia shënjestron infrastrukturën civile në Ukrainë. Sulmet e Rusisë forcojnë mbështetjen tonë për Ukrainën”, tha Plenkoviq.
Ai theksoi se sulmet e Rusisë kryesisht ndaj Kievit dhe Kharkivit janë në kundërshtim me ligjin humanitar ndërkombëtar.
Në lajmet në median lokale të Kroacisë, paraqiten deklaratat e presidentit të Ukrainës, Volodymyr Zelenskyy dhe thuhet se Moska në 5 ditët e fundit ka kryer mbi 300 sulme raketore kundër Ukrainës.
Anëtarja e Bashkimit Evropian (BE), Kroacia është në mesin e vendeve që ofron mbështetje për Ukrainën që nga fillimi i luftës Rusi-Ukrainë.
