RTV AHIRETI
FeaturedKosovëLajmeLajmet

Kurti: Granatat e konfiskuara në Zveçan, janë përdorur në sulmin e 29 majit ndaj KFOR-it

kurti:-granatat-e-konfiskuara-ne-zvecan,-jane-perdorur-ne-sulmin-e-29-majit-ndaj-kfor-it

Kryeministri i Kosovës ka reaguar pasi Policia e Kosovës në Bashkëpunim me Agjencinë Kosovare të Inteligjencës kanë parandaluar një sulm terroristë duke zbuluar në Zveçan, 100 metra afër objektit të komunës, një veturë me shumë armë, municion e pajisje të ndryshme ushtarake.

Ai tha se sasia e madhe e armatimit të gjetur tregon për përmasat e aksionit të planifikuar e të pasojave të parandaluara.

“Panorama e këtij organizimi terrorist është e qartë: vetura me targa të Beogradit, pronë e ndërmarrjes shtetërore të hekurudhave të Serbisë; armatimi i gjetur i gjithi prodhim i Serbisë, ndër to granata të dorës prodhuar në vitin 2021, të tilla që janë përdorur në sulmin e 29 majit 2023 në Zveçan kundër ushtarëve të KFOR-it; jelekë me mbishkrime të njësiteve ruse, serbe dhe logo e shenja identifikuese të organizatës “Severna Brigada”, si dhe mjete shpërthyese të përdorura më herët nga formacioni ilegal me aktivitete kriminale “Mbrojtja Civile”. Sasia e madhe e armatimit të gjetur tregon për përmasat e aksionit të planifikuar e të pasojave të parandaluara”.

Ai më tej, ka thënë se Serbia qartazi është e pozicionuar për përshkallëzim të situatës.

“Përveç agresionit që Serbia ka ndërmarrë ndaj Republikës së Kosovës duke rrëmbyer 3 zyrtarë të Policisë së Kosovës brenda territorit tonë në 14 qershor 2023, ajo luftimin e rendit juridik dhe kushtetues të Republikës së Kosovës e ka çuar një hap me tutje me organizimin e sulmeve terroriste. Unë i jam falënderues PK-së dhe AKI-së për punën që po bëjnë gjithë këto kohë në ruajten e ligjshmërisë dhe kushtetutshmërisë dhe në parandalimin e krimit e terrorizmit në atë pjesë të Republikës së Kosovës”, ka shkruar Kurti.

Related posts

Të paktën 73 emigrantë supozohen të vdekur pas mbytjes së një anije në Libi

admin

Përfundon takimi i kryetarëve të komunave të veriut, këto janë kërkesat e tyre

admin

Autoriteti i Konkurrencës gjobit me 1.5 milionë euro operatorin mobil serb

rezart morina