Udhëheqësit e Azi-Paqësorit kërkuan t’i jepet fund luftës së Rusisë kundër Ukrainës në Samitin e Bashkëpunimit Ekonomik Azi-Paqësor (APEC) të mbajtur në Tajlandë, transmeton Anadolu Agency (AA).
Deklarata e lëshuar nga krerët e APEC-ut vuri në dukje efektet negative të luftës Rusi-Ukrainë.
Në deklaratë thuhet se shumë vende e kanë dënuar luftën në Ukrainë, duke theksuar se çështjet që lidhen me luftën dhe sigurinë mund të kenë “pasoja të rënda për ekonominë globale”.
Deklarata po ashtu thekson se lufta shkaktoi inflacion të thellë, pasiguri ushqimore dhe probleme në zinxhirin e furnizimit, duke cituar kërkesën e 2 marsit të Asamblesë së Përgjithshme të Kombeve të Bashkuara: “Kërkohet që Federata Ruse të tërheqë menjëherë, plotësisht dhe pa kushte të gjitha forcat e saj ushtarake nga territori i Ukrainës, brenda kufijve të saj të njohur ndërkombëtarisht”.
World leaders arrive at APEC group session: World leaders including Chinese President Xi Jinping and US Vice President Kamala Harris arrive at a group session of the APEC summit to discuss balanced, inclusive and sustainable growth in Bangkok. pic.twitter.com/BDu02z3HX9
—
World News 24
(@DailyWorld24) November 18, 2022
