Lidhja Botërore Muslimane ka denoncuar vendimin e qeverisë afgane për t’iu mohuar grave dhe vajzave afgane të drejtën për arsimim universitar.
Mohammed bin Abdul Karim Al-Issa, sekretari i përgjithshëm i organizatës, tha në një deklaratë se masa binte në kundërshtim me udhëzimet e Islamit dhe konsensusin e dijetarëve islamikë dhe shkelte vlerat ndërkombëtare dhe njerëzore.
Al-Issa, i cili është gjithashtu president i Organizatës së Dijetarëve Muslimanë, tha se vendimi i privoi gratë dhe vajzat nga e drejta e tyre legjitime për arsim, dhe populli afgan në përgjithësi nga kontributi që gratë japin në prosperitetin dhe zhvillimin e kombit.
Ai i kërkoi qeverisë të anulojë vendimin e saj dhe të miratojë udhëzimet e dijetarëve islamë për këtë çështje. /mesazhi
