Presidenti i Francës, Emmanuel Macron dhe sekretari i Shtetit të SHBA-së, Antony Blinken diskutuan për luftën Rusi-Ukrainë dhe situatën në Lindjen e Afërt, transmeton Anadolu.
Në deklaratën e bërë nga Pallati Elysee thuhet se Macron e ka pritur Blinkenin në Zyrën presidenciale në Paris.
“Macron dhe Blinken diskutuan për mbështetjen e vendeve të tyre për Ukrainën në kontekstin e luftës Rusi-Ukrainë. Macron shprehu mbështetjen afatgjate të vendit të tij për Ukrainën dhe popullin e saj”, thuhet në deklaratë.
Më tej theksohet se të dy diskutuan për situatën në Lindjen e Mesme, koordinimin e ndihmës humanitare dhe atë që do të ndodhë në Gaza pas sulmeve të Izraelit. Gjithashtu u vlerësuan përgatitjet për Asamblenë e Përgjithshme të Kombeve të Bashkuara (AP-OKB).
Macron dhe Blinken ranë dakord të vazhdojnë bashkëpunimin e ngushtë mes vendeve të tyre.
