Malajzia dhe Indonezia nënshkruan marrëveshje që u dhanë fund disa mosmarrëveshjeve të gjata të kufirit detar dhe ranë dakord ta forcojnë bashkëpunimin për t’i luftuar masat “diskriminuese shumë të dëmshme” kundër vajit të palmës.
Presidenti indonezian, Joko Widodo, dhe kryeministri i Malajzisë, Anwar Ibrahim, ishin dëshmitarë të nënshkrimit të dy traktateve historike për përcaktimin e deteve territoriale të dy vendeve në pjesë të ngushticës së Malaccas dhe në detin Sulawesi.
Pakte të tjera të nënshkruara përfshinin plane për ta përmirësuar kalimin kufitar, forcimin e tregtisë kufitare dhe bashkëpunimin në nxitjen e investimeve. /koha
