Manchester City dhe Liverpooli do të përballen sot në një ndeshje të madhe të Premier League, ndërsa të dyja skuadrat janë në ndjekje të liderit Arsenal.
City po kalon një formë shumë të mirë, pas fitores 4-1 ndaj Borussia Dortmund në Ligën e Kampionëve dhe triumfit 3-1 ndaj Bournemouth në kampionat. Skuadra e Pep Guardiolës ka fituar nëntë nga dhjetë ndeshjet e fundit në shtëpi dhe ka fituar dhjetë nga 12 përballjet e fundit në ligë ndaj kampionëve në fuqi.
Liverpool, në anën tjetër, duket se po rikthehet në formë pas fitores ndaj Aston Villas dhe Real Madridit me porta të paprekura. Kampionët në fuqi ndodhen vetëm një pikë pas Cityt, por kanë humbur tri ndeshjet e fundit në udhëtim dhe do të kërkojnë të shmangin humbjen e katërt radhazi jashtë fushe – diçka që nuk u ka ndodhur që nga viti 2012.
Në përballjet direkte, Liverpool fitoi dy ndeshjet e sezonit të kaluar, por nuk ka arritur dy fitore radhazi në fushën e Cityt që nga viti 1991.
Lexo po ashtuLëndohet Ardon JashariErling Haaland është lojtari më në formë i Cityt me gola në nëntë ndeshje radhazi, ndërsa Dominik Szoboszlai pritet të jetë një nga pikat e forta të Liverpoolit.
