Kryeministri holandez, Mark Rutte, është emëruar si Sekretar i Përgjithshëm i NATO-s, transmeton Anadolu.
Sipas një deklarate me shkrim nga NATO, është vendosur që Rutte të emërohet Sekretari i ri i Përgjithshëm.
Kryeministri holandez do të marrë detyrën e tij në dorëzim nga Jens Stoltenberg më 1 tetor.
Rutte dha dorëheqje më 7 korrik 2023, pas rënies së qeverisë së koalicionit në Holandë dhe njoftoi se do të vazhdonte detyrën e tij si kryeministër deri në formimin e qeverisë së re dhe se më pas do të largohej nga politika aktive.
Pasi u bë e qartë se mandati i Stoltenbergut nuk do të zgjatej për një mandat tjetër, Rutte shpalli kandidaturën e tij për Sekretar të Përgjithshëm të NATO-s.
Rutte, i cili fitoi mbështetjen e shumë vendeve në një kohë të shkurtër, së fundmi më 18 qershor mori miratimin nga Hungaria.
Rutte mbeti kandidati i vetëm pasi më 20 qershor kandidati tjetër, presidenti i Rumanisë, Klaus Iohannis, njoftoi tërheqjen.
