Në Tokio të Japonisë u mbajt ceremonia mortore për ish-kryeministrin Shinzo Abe, i cili ndërroi si pasojë e një sulmi të armatosur gjatë fushatës zgjedhore më 8 korrik, transmeton Anadolu Agency (AA).
Përveç anëtarëve të familjes së tij, në funeralin i cili u mbajt në tempullin budist Zojo-Ji në qendër të Tokios, me një numër të vogël njerëzish morën pjesë edhe kryeministri aktual, Fumio Kishida dhe deputet të tjerë.
Ndërkohë që shihej se në rrugën ku kaloi makina funerale u morën masa të forta sigurie, gjithashtu mijëra njerëz të mbledhur në anët e rrugës, me lule në duar i dhanë lamtumirën Abe-s në udhëtimin e tij të fundit.
Ish-kryeministri japonez, Abe më 8 korrik u qëllua në gjoks teksa mbante fjalim në një eveniment në natyrë në mbështetje të fushatës zgjedhore të kandidatit të Partisë Liberal Demokratike në qytetin Nara.
Televizioni Shtetëror i Japonisë, NHK, njoftoi se Abe i cili u dërgua në spital me lëndime të rënda pas sulmit humbi jetën.
