Mbreti Salman e përshkroi kremtimin e Ditës së Flamurit si një afirmim të krenarisë për identitetin kombëtar dhe simbolikën e tij historike.
Ai tha në një Tweet të shtunën se festimi i Ditës së Flamurit është një afirmim i “krenarisë sonë për identitetin tonë kombëtar, simbolikës së tij historike që ka kuptime të mëdha dhe domëthënie të thella, që mishëron çështjet tona dhe burim krenarie në historinë tonë. ”
Mbreti deklaroi se festa e flamurit do të festohet çdo vit më 11 mars. Arabia Saudite shënoi festimin e parë të Ditës së Flamurit me ngjarje e aktivitete të shumta të shtunën.
Mbreti Salman theksoi se Dita e Flamurit përkon me ditën e 11 Marsit 1937, kur Mbreti Abdul Aziz, themeluesi i Arabisë Saudite moderne, miratoi formën e flamurit për të konfirmuar domëthëniet e mëdha të këtij flamuri që i referohen rritjes, dhënies, unitetit dhe prosperitetit. /mesazhi
#VIDEO: #SaudiArabia declares March 11 Flag Day — https://t.co/MhsMBVR31t pic.twitter.com/mKIeWRzFDv
— Saudi Gazette (@Saudi_Gazette) March 1, 2023
