Mbi 100 migrantë në Paris kaluan një natë para bashkisë, duke kërkuar strehim, tha një organizatë joqeveritare, transmeton Anadolu.
Organizata “Utopia56” në Twitter shkroi se 114 migrantë, përfshirë foshnja, e kaluan natën dhe një pjesë të së mërkurës para bashkisë.
“Ata kërkuan të drejtën e tyre për akomodim, gjë që u mohua nga prefektura”, shtoi OJQ-ja.
“Në orën 15:00, pas natës dhe një pjesë të ditës së sotme jashtë, familjet u drejtuan nga bashkia e Parisit në qendrat ditore, në pritje të zgjidhjeve nga prefektura”, njoftohet më tej.
Organizata shpërndau gjithashtu video të ndërhyrjes së policisë në një postim të mëparshëm të martën në mbrëmje dhe bëri thirrje për zgjidhje të qëndrueshme.
