Ministri i Jashtëm rus Sergej Lavrov do të vizitojë disa vende të Amerikës Latine për herë të parë që nga fillimi i luftës në Ukrainë, tha të dielën Ministria e Jashtme.
Lavrov do të bëjë një vizitë zyrtare në Brazil, Venezuelë, Nikaragua dhe Kubë nga data 17-21 prill, sipas ministrisë.
Takimet e tij me krerët e vendeve dhe bisedimet me ministrat e tyre të jashtëm synojnë të forcojnë bashkëpunimin reciprokisht të dobishëm midis Rusisë dhe vendeve në fushat politike, tregtare, ekonomike, arsimore, kulturore dhe të tjera.
“Bisedimet janë planifikuar të fokusohen në çështjet e forcimit të kuadrit ligjor të botës së sotme, i cili bazohet në Kartën e Kombeve të Bashkuara”, tha ministria.
Amerika Latine është një rajon miqësor, një nga qendrat e formimit të botës shumëpolare, ku Rusia dëshiron të ruajë dinamikisht dialogun dhe të zhvillojë bashkëpunim konstruktiv pa asnjë detyrim të jashtëm, shtoi ai.
Lavrov për herë të fundit ka zhvilluar një vizitë zyrtare në vendet e Amerikës Latine në vitin 2020. /mesazhi
