NATO dënoi sulmet e Rusisë në disa qytete të Ukrainës, transmeton Anadolu Agency (AA).
Sekretari i Përgjithshëm i NATO-s, Jens Stoltenberg, në rrjetet sociale deklaroi se ka biseduar me ministrin e Jashtëm të Ukrainës, Dmitro Kuleba.
Duke u shprehur se ai “dënon sulmet e tmerrshme dhe joselektive të Rusisë ndaj infrastrukturës civile në Ukrainë”, Stoltenberg tha se NATO do të vazhdojë të mbështesë “popullin e guximshëm ukrainas” kundër sulmeve të Kremlinit.
Ukraina njoftoi se Rusia lëshoi 75 raketa, 41 prej të cilave u neutralizuan, në sulmet e nisura në disa pika në qendër të kryeqytetit Kiev në mëngjesin e sotëm.
Presidenti i Rusisë Vladimir Putin njoftoi se kryen sulme me armë me precizion të lartë me rreze të gjatë veprimi kundër infrastrukturës energjetike, ushtarake dhe të komunikimit të Ukrainës.
