Sekretari i Përgjithshëm i NATO-s, Jens Stoltenberg tha se vendet e NATO-s janë në solidaritet të fortë me Turqinë për shkak të tërmeteve që ndodhën, transmeton Anadolu.
Stoltenberg e nisi konferencën e tij për media për Takimin e Ministrave të Mbrojtjes të NATO-s që do të mbahet në Bruksel më 14-15 shkurt duke iu referuar tërmeteve në Türkiye.
“Mendimet tona janë me popullin turk”, tha Stoltenberg duke shtuar se vendet anëtare të NATO-s dërguan në Turqi shumë punonjës të ndihmës si oficerë kërkim-shpëtimi, zjarrfikës, punonjës shëndetësorë dhe ekspertë të tërmeteve.
Kreu i NATO-s theksoi se vendet e NATO-s do të ofrojnë mbështetje të ndryshme strehimi për Turqinë. “Ne jemi në solidaritet të fortë me aleatin tonë Turqinë”, tha Stoltenberg.
