Abdul Majeed al-Zindani, dijetar i shquar jemenas dhe një nga themeluesit e Unionit Ndërkombëtar të Dijetarëve Muslimanë, ka ndërruar jetë në moshën 82-vjeçare.
Zindani, i cili konsiderohej lider i Vëllazërisë Muslimane në Jemen, jetonte në mërgim në Turqi në kohën e vdekjes së tij.
Vdekjen e Zindanit e ka konfirmuar Mullah Envar Kılıçaslan, president i ITIHADULULEMA, në llogarinë e tij në rrjetet sociale.
“Me dhimbje të thellë mësuam për ndarjen nga jeta të Sheikh Abdul Mexhid Zindanit, një dijetar i shquar i epokës sonë. I shprehim ngushëllimet tona të përzemërta të gjithë komunitetit musliman, me respekt të veçantë për familjen dhe kolegët e tij dijetarë. Allahu e mëshiroftë dhe i dhuroftë një vend në parajsë”, ka shkruar Kılıçarslan në X.
Humbja e Shejh Zindanit është një goditje e rëndë për komunitetin e dijetarëve muslimanë dhe ai do të mbahet mend për kontributet e tij në Unionin Ndërkombëtar të Dijetarëve Muslimanë në fushën e mjekësisë si dhe në atë të Thirrjës Islame. /mesazhi
