Numri i izraelitëve që kanë humbur jetën në sulmet e kryera nga Rripi i Gazës nën bllokadë, është rritur në 300, transmeton Anadolu.
Sipas lajmit të “Kanal 12” me qendër në Izrael, është rritur në 300 numri i personave që kanë humbur jetën në sulmin e emërtuar “Tufani i Aksa-së” që Brigadat Izzeddin Kassam, krahu i armatosur i Hamasit filloi kundër Izraelit nga Rripi i Gazës nën bllokadë.
Brigadat Izzeddin Kassam, krahu i armatosur i Hamasit njoftoi se mëngjesin e sotëm ka nisur kundër Izraelit një sulm gjithëpërfshirës të emërtuar “Tufani i Aksa-së”. Nga Gaza në drejtim të Izraelit u lëshuan mijëra raketa ndërsa edhe grupet e armatosura hynë në vendbanimet në rajon.
Pas operacionit “Tufani i Aksa-së” edhe ushtria izraelite njoftoi se ka filluar sulm me dhjetëra avionë luftarakë ndaj Rripit të Gazës.
