Kryeministri izraelit Benjamin Netanyahu e ka cilësuar Katarin si një “shtet armiqësor”, duke mbrojtur njëkohësisht vendimin e qeverisë së tij për të lehtësuar transferimin e fondeve nga Katari drejt Rripit të Gazës.
Në një intervistë për televizionin i24NEWS, Netanyahu tha se fondet nga Katari ishin destinuar për ndihma humanitare dhe se transferimi i tyre ishte rekomanduar nga shërbimet izraelite të sigurisë, Mossad dhe Shin Bet.
Deklaratat vijnë në një kohë tensionesh të forta mes Izraelit dhe Katarit. Netanyahu gjithashtu pranoi se Izraeli kishte kryer një sulm në Doha gjatë luftës në Gaza, ku u goditën figura të Hamasit.
Katari ka kundërshtuar më herët akuzat se financon Hamasin, duke deklaruar se ndihmat e tij për Gazën janë dhënë për qëllime humanitare dhe nën mbikëqyrje të rreptë. /mesazhi
