RTV AHIRETI
LajmeRajon dhe Botë

Një delegacion i Hamasit do të udhëtojë për vizitë në Siri

nje-delegacion-i-hamasit-do-te-udhetoje-per-vizite-ne-siri

Një delegacion i Hamasit do të vizitojë Sirinë këtë muaj dhe kjo do të jetë vizita e parë e përfaqësuesve të lëvizjes së rezistencës palestineze në Damask në 10 vitet e fundit, raporton Anadolu Agency (AA).

Një burim i paidentifikuar i Hamasit tha për AA se vizita do të bëhet pas përfundimit të bisedimeve palestineze të paqes të organizuara nga Algjeria më 10 tetor.

Burimi, megjithatë, nuk ka dhënë më shumë detaje për vizitën dhe as për delegacionin e Hamasit që do të vizitojë Damaskun.

Lufta në Siri filloi në vitin 2011, ndërsa një vit më vonë Hamasi mbylli zyrat e saj në Siri dhe njoftoi ndërprerjen e të gjitha kontakteve me regjimin në Damask.

Më 15 shtator, Hamasi njoftoi fillimin e rivendosjes së lidhjeve me Damaskun duke shtuar se kjo ishte në interes të botës arabe dhe islame dhe do të ishte në dobi të çështjes palestineze.

Në mes të qershorit, burime palestineze të paidentifikuara njoftuan fillimin e procesit të rivendosjes së lidhjeve midis Hamasit dhe regjimit të presidentit sirian Bashar al-Assad, bazuar në përpjekjet e aleatëve të tyre rajonalë Hezbollahut dhe Iranit.

Related posts

Francë, greva e kontrollorëve të trenave mund të kushtojë 100 milionë euro

admin

Netanyahu: Do të vazhdojmë armatosjen e qytetarëve izraelitë

rezart morina

Presidenti turk Erdoğan dhe homologu rus Putin diskutojnë projektet strategjike dhe synimet në tregti

RTI