Një grua 42-vjeçare është shpëtuar pas 222 orëve nën rrënojat e një ndërtese të shembur gjatë tërmetit katastrofal që goditi Turqinë të hënën e kaluar.
Gruaja u nxor nga rrënojat në Kahramanamaras, provincën ku ishte epiqendra e tërmetit 7.8 ballë Rihter që dridhi Turqinë e Sirinë.
Ekipet nga perëndimi i Turqisë kanë identifikuar shenja jete dhe shpëtuam Melike Imamoglun.
Presidenti i Turqisë, Recep Tayyip Erdogan, ka thënë të martën se më tepër se 35 mijë persona kanë vdekur në Turqi si pasojë e tërmetit. Kjo e bën tërmetin më vrasës të Turqisë në 100 vjetët e fundit.
Derisa numri i të vdekurve me shumë gjasë pritet të jetë dukshëm më i madh, shumë të mbijetuar kanë mbetur të pastrehë, dhe ata po kanë telashe për të siguruar gjërat bazike.
Presidenti turk ka thënë se më tepër se 13 mijë persona janë ende duke u trajtuar në spitale.
Shumë në Turqi kanë fajësuar kualitetin e ndërtimit për shkatërrimin e madh, dhe autoritetet po vazhdojnë të shënjestrojnë kontraktuesit që pretendohet se kanë lidhje me ndërtesat e shembura.
Në Adiyaman të martën, një grua 77-vjeçare u shpëtua nën rrënoja pas tërmetit. /koha
Kahramanmaraş’ta depremden 222 saat sonra 42 yaşındaki Melike İmamoğlu, enkazdan kurtarıldı https://t.co/qqOCLsu6SM pic.twitter.com/oHEk24ekP6
— ANADOLU AJANSI (@anadoluajansi) February 15, 2023
