Një palestinez është vrarë të dielën pasi forcat izraelite hapën zjarr në qytetin Jabalia, në veri të Rripit të Gazës.
Sipas mediave palestineze, viktima u qëllua me municion të vërtetë në kampin e zhvendosurve Halawa.
Forcat izraelite kanë hapur zjarr edhe në zonat lindore të Khan Younis dhe në pjesë të Gazës qendrore, ndërsa raportohet se helikopterë ushtarakë kanë qëlluar mbi disa objektiva në të njëjtat zona.
Ngjarja vjen në një kohë kur sulmet izraelite në Gaza vazhdojnë, pavarësisht marrëveshjes së armëpushimit që hyri në fuqi më 10 tetor 2025. Sipas burimeve palestineze, qindra persona janë vrarë ose plagosur në muajt e fundit, duke iu shtuar numrit të madh të viktimave nga konflikti. /mesazhi
