Një person ka vdekur dhe katër të tjerë janë lënduar në një aksident komunikacioni që ka ndodhur rreth orës 14:00 në autostradën “Arbër Xhaferi” saktësisht në kilometrin e 15-të.
Në këtë aksident sipas Policisë së Kosovës janë përshirë dy automjete një kombi i cili ishte në lëvizje dhe një veturë e ndalur në shiritin emergjentë.
Daut Hoxha zëdhënës i Policisë së Kosovës ka thënë për teve1.info se i vdekuri është rreth 44-vjeç, ndërsa të lënduarit janë transportuar për në QKUK.
“Rreth orës 14:00 në autostradën “Arbën Xhaferi” Lipjan -Ferizaj km-15 është shkaktuar aksident trafiku ku janë përshirë dy automjeteve transportuese (Kombi) njëri në lëvizje, ndërsa tjetri i ndalur në shiritin emergjent. Si pasojë e aksidentit dyshohet se një person i gjinisë mashkull rreth 44 vjeqar ka vdekur ne vendin e ngjarjes, ku vdekjen e ka konstatuar mjeku kujdestar, ndërsa katër persona kanë pësuar lëndime trupore të cilët janë transportuar ne QKUK-Prishtinë për tretman mjekësor”, ka thënë Hoxha.
Ai ka bërë të ditur se për aksidentin shkaktuar një person është dërguar në mbajtje 48 orë.
Policia u ka bërë thirrje drejtueseve të automjeteve të kenë kujdes dhe të respektojnë rregullat e trafikut rrugorë./
