RTV AHIRETI
LajmeRajon dhe Botë

OBSH: Në çdo 10 minuta vritet nga 1 fëmijë në Gaza

obsh:-ne-cdo-10-minuta-vritet-nga-1-femije-ne-gaza

Mesatarisht një fëmijë vritet çdo 10 minuta në Gaza, tha sot një përfaqësues i Organizatës Botërore të Shëndetësisë (OBSH), duke e quajtur situatën si “koha më e errët e njerëzimit”, raporton Anadolu.

“Ne po flasim për pothuajse 16.000 njerëz të vrarë, më shumë se 60 për qind e tyre gra dhe fëmijë, dhe më shumë se 42.000 njerëz të plagosur”, tha Richard Peeperkorn, përfaqësues i OBSH-së në territoret e pushtuara palestineze, në një konferencë shtypi të OKB-së në Gjenevë.

“Mesatarisht një fëmijë vritet çdo 10 minuta në Gaza. Unë mendoj se në këtë kuptim jemi afër kohës më të errët të njerëzimit”, shtoi ai.

“Ne kemi nevojë për një armëpushim të qëndrueshëm”, kërkoi zyrtari i OBSH-së.

Gaza, tha ai, shkoi nga 3.500 shtretër spitalorë në “ndoshta shumë më pak” se 1.500 tani dhe theksoi se Rripi i Gazës nuk mund të përballojë asnjë humbje tjetër të shtretërve spitalorë pasi nevojat shëndetësore po rriten.

Izraeli rifilloi ofensivën e tij ushtarake në Rripin e Gazës të premten pas përfundimit të një pauze humanitare njëjavore me grupin palestinez Hamas.

Gati 15.900 palestinezë janë vrarë dhe më shumë se 42.000 të tjerë janë plagosur në sulmet intensive ajrore dhe tokësore në enklavë që nga 7 tetori pas një sulmi ndërkufitar nga Hamasi.

Related posts

Mbi 2.7 milionë tifozë do ndjekin ndeshjet në stadiume/ Gjermania bën thirrje për vigjilencë gjatë Kampionatit Evropian të Futbollit! 22 mijë policë, shërbim të pandërprerë

admin

Kinë, shkon në 65 numri i të vdekurve nga tërmeti

admin

Ish-kryeministri izraelit shpërthen ndaj prezantuesit televiziv britanik pas pyetjes për civilët në Gaza

admin