OBSH ka bërë thirrje për një korridor humanitar në Rripin e Gazës, raporton Al Jazeera. Sipas OBSH-së, 13 sulme të nisura nga Forcat e Mbrojtjes të Izraelit kanë goditur objektet mjekësore në Gaza që nga fillimi i përshkallëzimit dhe se furnizimet mjekësore tashmë janë shteruar.
“OBSH bën thirrje për t’i dhënë fund dhunës. Një korridor humanitar është i nevojshëm për të arritur njerëzit me furnizime mjekësore thelbësore”, tha zëdhënësi i OBSH-së Tarik Jasarevic në një konferencë shtypi në Gjenevë. Sipas OKB-së, bombat izraelite goditën ndërtesa banimi dhe shkolla.
Zyra humanitare e OKB-së thotë se katër shkolla dhe tetë objekte të kujdesit shëndetësor në Gaza kanë pësuar dëme që nga e shtuna. Ajo tha se pret një “mungesë të madhe” të ujit të pijshëm në Gaza për shkak të shkurtimeve të shpallura nga autoritetet izraelite./abcnews
