Rusia ka porositur qindra dronë dhe raketa balistike nga Irani, sipas një burimi diplomatik të Organizatës së Kombeve të Bashkuara (OKB).
“Ne e dimë se Irani po planifikon të rrisë dërgesat e tij të mjeteve ajrore pa pilot dhe raketave në Rusi në sasi të konsiderueshme”, sipas burimit.
Moska po përpiqet të trajtojë një mungesë akute të furnizimeve ushtarake.
Rusia ka përdorur tashmë qindra drone “Shahed-136” të prodhuara nga Irani.
Moska ka hedhur poshtë pretendimet për përdorimin e të ashtuquajturve “drone kamikaze”, ndërsa Irani pranoi në nëntor se kishte furnizuar Rusinë me dronë.
Pas kësaj, vendet e BE-së vendosën sanksione shtesë ndaj Iranit, duke u bërë kështu subjekt i një sërë masash ndëshkuese.
Një rezolutë e Këshillit të Sigurimit të OKB-së e miratuar pas marrëveshjes bërthamore të vitit 2015 me Iranin, e ndalon Iranin nga marrëveshje të tilla armësh.
Në tetor, SHBA-ja, Britania e Madhe, Franca dhe Gjermania i bënë thirrje OKB-se të hetonte për sulmet me armë iraniane në Ukrainë.
