Mes përplasjeve të deputetëve opozitarë dhe atyre opozitarë, sërish ka dështuar votimi i hartimit të listës së dëshmitarëve për intervistim në Komisionin Hetimor Parlamentar lidhur me nivelin e menaxhimit të marrëdhënies së punës të anëtarëve të Shërbimit të Jashtëm dhe zyrtarëve të Ministrisë së Punëve të Jashtme dhe Diasporës.
Kryetarja e këtij komisioni nga radhët e AAK-së Time Kadrija dhe nënkryetarja Ariana Musliu-Shoshi nga PDK e kanë braktisur mbledhjen pasi sipas tyre nuk ka gatishmëri për konsensus.
Promoted Content
Kadrija kërkoi nga anëtarët që lista e dëshmitarëve nga pozita të jetë në fillim, më pas të përfshihet lista e opozitës dhe në fund të mbesin ministrat.
Porse, deputetët e partisë në pushtet, Arbreshë Kryeziu-Hyseni, Fitore Pacolli dhe Haxhi Avdyli e kundërshtuan këtë, duke thënë se Kadrija po e shkel rregulloren dhe se kjo e fundit mos të pres kompromis.
Edhe anëtarja e komisionit nga Lëvizja Vetëvendosje, Fitore Pacolli tha se nuk do të ketë kompromis sa i përket kësaj çështje, për çka e akuzoi kryetaren e komisionit për shkelje të rregullores. Ajo kërkoi nga administrata që të thirret drejtori i zyrës ligjore si dhe ai i komisioneve për të treguar procedurat në mënyrë që mos të ketë bllokim.
Në rend të ditës në këtë komision ishte hartimi i listës së dëshmitarëve për intervistim dhe prezantimi i raportit të ekspertëve.
