Përplasja rezultoi me një zjarr të madh që përfshiu të dy automjetet, duke shkaktuar vdekjen e 20 personave në vendngjarje, ndërsa gjashtë të tjerë pësuan lëndime të rënda
Së paku 20 persona kanë humbur jetën në një përplasje mes një autobusi pasagjerësh dhe një cisterne nafte që ndodhi mëngjesin e së martës në verilindje të Pakistanit, transmeton Anadolu Agency (AA).
Përplasja ndodhi në autostradën pranë qytetit verilindor Multan, kur një autobus që udhëtonte nga Lahore në Karaçi goditi pjesën e pasme të cisternës, njoftoi Tahir Wattoo, zëvendëskomisioneri i qytetit Multan.
Përplasja rezultoi me një zjarr të madh që përfshiu të dy automjetet, duke shkaktuar vdekjen e 20 personave në vendngjarje, ndërsa gjashtë të tjerë pësuan lëndime të rënda.
Pamjet e publikuara nga administrata e qarkut tregojnë automjete tërësisht të karbonizuara në mes të rrugës.
Mediat lokale raportojnë se aksidenti ka ndodhur pasi shoferin e autobusit e zuri gjumin.
Aksidentet fatale janë të zakonshme në këtë vend të Azisë Jugore, kryesisht për shkak të standardeve të dobëta të sigurisë dhe infrastrukturës. /aa
