RTV AHIRETI
FeaturedKosovëLajmeLajmet

Parandalohet edhe një rast i kontrabandës me mallra në veri të vendit

parandalohet-edhe-nje-rast-i-kontrabandes-me-mallra-ne-veri-te-vendit

Policia e Kufitare, në kuadër të luftës për parandalim dhe luftim të veprave të kundërligjshme, e në veçanti kontrabandës, ka intensifikuar kontrollet taktike dhe operacionale në terren, ku si rezultat i kësaj është identifikuar një rast i kontrabandës me mallra në veri të vendit.

Njësia policore gjatë patrullimit në zonën kufitar, përkatësisht në liqenin e Ujmanit, ka vërejtur një mjet lundrues (barkë), të cilën e kanë përcjellë dhe kanë identifikuar vendin e ndaljes. Njësitë policore, me të arritur në lokacion, në mes të rrugës kanë hasur në një veturë të braktisur, me targa të Serbisë. Vetura e braktisur, dyshohet se ishte ngarkuar me mallin që ndodhej në barkë.

Gjatë kontrollit në veturë janë gjetur dhe sekuestruar mallra të ndryshme, si: telefona mobil (19 copë), cigare (830 pako) të llojeve të ndryshme, çanta, veshmbathje, mjete shkollore (lapsa, fletore, ngjyra, gërshërë etj), lodra për fëmijë, kozmetikë etj.

Mallrat e sekuestruara do të trajtohen sipas procedurave të parapara, rasti do të trajtohet nga njësitet përkatëse policore të Drejtorisë Rajonale Policore Kufitare-Veri në koordinim me organet e drejtësisë dhe Doganën e Kosovës.

Related posts

Mijëra banesa të përmbytura në Rusinë lindore pas tajfunit “Khanun”

rezart morina

Shkencëtarja aktiviste e Kosovës që ndërtoi nanosatelitin e parë

rezart morina

Hamasi refuzon thirrjen e Izraelit për zhvendosjen e popullsisë së Gazës

admin