Parlamenti gjerman shprehu të enjten mbështetjen e tij për anëtarësimin e Maqedonisë së Veriut në Bashkimin Evropian.
“Gjermania është e vendosur ndaj perspektivës evropiane të vendit ballkanik dhe e mbështet atë në rrugën drejt BE-së”, thuhet në një mocion të përbashkët të koalicionit qeverisës, i miratuar nga shumica sot në mbrëmje.
Ish-republika jugosllave, e cila ka vetëm 1.8 milionë banorë, është kandidate për anëtarësim në BE që prej vitit 2005.
Megjithatë, BE-ja ka vendosur një kusht fillestar për fillimin e negociatave të anëtarësimit, i cili përfshin ndryshimin e kushtetutës së Maqedonisë së Veriut për të njohur pakicën bullgare në vend. /atsh
