Të paktën 60 emigrantë që u larguan nga Libia me një gomone dhe u nisën për në Itali, thuhet se vdiqën gjatë udhëtimit.
Kështu raportuan 25 të mbijetuarit e Ocean Viking, anijes SOS Méditerranée, e cila i shpëtoi të mërkurën në Mesdheun qendror.
“Të mbijetuarit u larguan nga Zawiya, Libi, 7 ditë përpara se të shpëtoheshin”, shkruan OJQ-ja në një postim në Twitter.
Motori u prish pas 3 ditësh, duke lënë emigrantët pa ujë dhe ushqim. Të paktën një fëmijë ishte në mesin e viktimave. Dy nga të mbijetuarit u evakuuan nga roja bregdetare italiane gjatë natës dhe u transportuan në spitalin e Siçilisë.
Ngjarje të tilla tragjike nuk janë të pakta dhe as të fundit, në dhjetor të vitit të kaluar një gomone me mbi 80 persona në bord u fundos në brigjet e Libisë.
Organizata Ndërkombëtare për Emigracionin bëri të ditur se 61 persona humbën jetën të zhdukur, ndërsa 25 mbijetuan.
Vetëm gjatë vitit 2023, mbi 2000 mijë njerëz humbën jetën në det. /abcnews
