RTV AHIRETI
FeaturedKosovëLajmeLajmet

Policia e Kosovës: Ka pasur gjuajtje me armë, por nuk ka persona të plagosur

policia-e-kosoves:-ka-pasur-gjuajtje-me-arme,-por-nuk-ka-persona-te-plagosur

Policia e Kosovës ka bërë të ditur se janë dëgjuar të shtëna me armë zjarri, por nuk ka persona të plagosur, siç është raportuar në media.

Lidhur me këtë Policia ka bërë thirrje që të mos bien pre e informacioneve të rreme, cilat kanë tendencë destabilizimin e situatës.

“Policia e Kosovës ka siguruar informacione zyrtare se në disa lokacione janë dëgjuar të shtëna me armë zjarri, ku disa prej të shtënave kanë qenë në drejtim të njësiteve policore, por fatmirësisht nuk ka të plagosur”.

“Deri më tani nuk ka informacione zyrtare për ndonjë plagosje të qytetarëve apo të ndonjë zyrtari policorë, andaj ftojmë dhe iu bëjmë thirrje të gjitha mediave dhe qytetarëve që të mos bien pre e informacioneve-lajme të rreme, të cilat kanë tendencë destabilizimin e situatës dhe krijimin e panikut”, thuhet në njoftim.

Tutje theksohet se janë duke vazhduar bllokimet e rrugëve në disa lokacione të ndryshme në veri të Mitrovicës, në drejtim të dy pikë kalimeve kufitare Jarinë dhe Bernjak, të cilat pika janë mbyllur për qarkullim.

“Policia e Kosovës vazhdon angazhimet e saja me njësitet policore, në ofrim e sigurisë për të gjithë qytetarët pa dallime, në interes të ruajtjes së rendit dhe sigurisë publike”, thuhet në reagimin e PK-së.

Related posts

Erdoğan: Këshilli i Sigurimit i OKB-së, “fushë betejë” për strategjinë politike të pesë anëtarëve të përhershëm

admin

Hapet xhamia e re në Troisdorf të Gjermanisë

admin

Blinkeni garanton se mbështetja për Izraelin do të mbetet e palëkundur

admin