Policia izraelite të martën në mbrëmje shpërndau një tubim në Tel Aviv ku protestohej kundër luftës së vazhdueshme në Gaza, transmeton Anadolu.
E përditshmja Haaretz raportoi se policia izraelite shpërndau me forcë tubimin duke pretenduar se “dëmton ndjenjat e publikut”.
Me pretendimet se tubimi i vogël ishte “i paligjshëm”, oficerët e policisë u panë duke konfiskuar një pankartë që thoshte “Stop Masakrës” në Gaza.
Faqja e lajmeve Walla raportoi gjithashtu se policia izraelite bllokoi paraprakisht një tubim kundër luftës në Haifa, në veri të Izraelit që ishte caktuar të shtunën.
Tubimi u thirr nga grupet izraelite të të drejtave të njeriut, duke përfshirë Frontin Demokratik për Paqe dhe Barazi, një grup i të drejtave të majta, që kërkonte armëpushim në Gaza dhe marrëveshje për shkëmbimin e të burgosurve, sipas Walla.
Javët e fundit janë dëgjuar zëra në rritje në Izrael që kërkojnë dhënien fund të luftës në Gaza pasi ajo ka vazhduar për tre muaj pa arritur asnjë nga qëllimet e saj, kryesisht shuarjen e grupit palestinez Hamas.
Izraeli ka nisur sulme të pamëshirshme ajrore dhe tokësore në Gaza që nga sulm ndërkufitar i grupit palestinez të rezistencës Hamas.
Të paktën 24.285 palestinezë janë vrarë që atëherë, kryesisht gra dhe fëmijë, dhe 61.154 janë plagosur, sipas autoriteteve shëndetësore palestineze.
Sipas OKB-së, 85 për qind e popullsisë së Gazës tashmë është e zhvendosur brenda vendit për shkak të mungesës akute të ushqimit, ujit të pastër dhe ilaçeve, ndërsa 60 për qind e infrastrukturës së enklavës është dëmtuar ose shkatërruar.
Tonight in Tel Aviv, Israeli police attacked a small protest of left wing activists against the war, confiscating “stop the massacre” signs #gaza pic.twitter.com/uuH7GpjUfU
— Oren Ziv (@OrenZiv_) January 16, 2024
