RTV AHIRETI
LajmeRajon dhe Botë

Polonia kërkon 1.3 trilionë dollarë reparacione nga Gjermania

polonia-kerkon-1.3-trilione-dollare-reparacione-nga-gjermania

Ministria e Jashtme e Polonisë ka nënshkruar një notë zyrtare për Gjermaninë më 3 tetor, duke i kërkuar pagesën prej 1.3 trilionë dollarësh në reparacione për dëmet e shkaktuara nga forcat pushtuese naziste gjermane gjatë Luftës së Dytë Botërore.

Ministri i Jashtëm polak, Zbigniew Rau, tha se nota zyrtare do t’i dërgohet Ministrisë së Jashtme gjermane. Nënshkrimi i kësaj letre vjen pak para takimit të Rau në Varshavë me ministren e Jashtme gjermane, Annalena Baerbok, e cila do të marrë pjesë në një konferencë të sigurisë.

Rau tha se kërkesa e shprehur përmes kësaj note shpreh qëndrimin se të dyja palët duhet të marrin veprime “pa vonesa” për të adresuar efektet e pushtimit gjerman të viteve 1939-45, “në mënyrë të afatgjatë dhe komplekse, përmes një forme ligjore dhe materiale”.

Ai tha se ky proces do të përfshinte reparacionet e Gjermanisë, por edhe zgjidhjen e çështjes së veprave të vjedhura të artit dhe arkivave.

Qeveria e krahut të djathtë në Poloni insiston se shteti duhet të marrë reparacionet për shkak të dëmeve të mëdha të luftës, ndërkaq Berlini thotë se u ka paguar kompensime shteteve të prekura, përfshirë Poloninë dhe Gjermania e konsideron këtë si çështje të mbyllur.

Në përvjetorin e 83-të të luftës më 1 shtator, Qeveria polake prezantoi një raport të gjerë të dëmeve, që tha se kapin vlerën e 1.3 trilion dollarëve. /rel

Related posts

11 të vdekur nga aksidenti i autobusit polak në autostradën kroate

admin

Mërgimtarët shqiptarë në Itali, shembull për organizim të jetës fetare

admin

Personat e tjerë dyshohet se u larguan në këmbë nga hapësirat e manastirit – drejtori i policisë jep detaje për aksionin e djeshëm te Manastiri i Banjskës

admin