Është thelbësore që vendet muslimane të vazhdojnë përpjekjet e tyre të bashkuara për një armëpushim të qëndrueshëm në Gaza, i tha sot homologut të tij egjiptian presidenti turk Recep Tayyip Erdoğan, transmeton Anadolu.
Në një telefonatë, Erdoğan dhe Abdel Fattah al-Sisi diskutuan agresionin e Izraelit kundër territoreve palestineze, si dhe përpjekjet për dërgimin e ndihmave humanitare në Rripin e Gazës, njoftoi në një deklaratë Drejtoria turke e Komunikimeve.
“Gjatë bisedës, presidenti Erdoğan deklaroi se është e rëndësishme që vendet islame të vazhdojnë përpjekjet e nisura për të siguruar një armëpushim të përhershëm në unitet”, thuhet në deklaratë.
Gjithashtu njoftohet se presidenti turk i ka përcjellë urimet e tij al-Sisit, i cili u rizgjodh president i Egjiptit në zgjedhjet e javës së kaluar.
Erdoğan ka “shprehur shpresën e tij që mandati i ri të jetë i dobishëm për marrëdhëniet Türkiye-Egjipt”, shtohet në deklaratë.
