Deri në dy orë e gjysmë janë regjistruar pritjet në pikëkalimin te Dheu i Bardhë të enjten pasdite. Automjetet në një kolonë prej 700 metrash po presin për të hyrë në Kosovë.
Fluks më të ulët qarkullimi ka në pikat e tjera kufitare.
Në Merdar po pritet deri në 20 minuta për të hyrë, ashtu si edhe në Muçibabë.
E, në pikëkalimet e tjera nuk raportohet për ngadalësim të qarkullimit.
Pikëkalimet i bëjnë më të ngarkuara në këtë periudhë mërgimtarët që vijnë në pushime.
