RTV AHIRETI
FeaturedKosovëLajmeLajmet

Prokuroria Speciale nis hetimet për zhdukjen e mostrave të Astrit Deharit

prokuroria-speciale-nis-hetimet-per-zhdukjen-e-mostrave-te-astrit-deharit

Pas deklarimit të ministres së Drejtësisë, Albulena Haxhiu e cila tha se mostrat e Astrit Deharit janë zhdukur nga laboratori i Institutit të Mjekësisë Ligjore (IML), konkretisht nga laboratori i toksikologjisë, Prokuroria Speciale e Kosovës tashmë kanë nisur hetimet.

Lajmin për Telegrafin e ka konfirmuar kryeprokurori i Prokurorisë Speciale të Kosovës, Blerim Isufaj.

Ai shkurt tha se kanë nisur hetimet për rastin në fjalë.

“Po kemi nisur hetimet. Është ende herët për të thënë më shumë”, tha Isufaj.

Ndryshe, ministrja e Drejtësisë, Albulena Haxhiu, ka thënë se mbrëmë në orët e vona është njoftuar se janë zhdukur mostrat e Astrit Deharit nga laboratori i Toksikologjisë në Institutin e Mjekësisë Ligjore (IML).

Në një konferencë të jashtëzakonshme për media, Haxhiu këtë akt e ka quajtur të rëndë dhe kriminal.

“Mbrëmë në orët e vona jam njoftuar se janë zhdukur mostrat e Astrit Deharit nga laboratori në Institutin e Mjekësisë Ligjore. Ky është një akt i rëndë, akt kriminal. Ndaj mbrëmë menjëherë kam njoftuar Kryeprokurorin e Shtetit, Bekim Kelmendi dhe drejtorin e Policisë, Fehmi Hoti”, ka thënë ministrja para gazetarëve.

Ajo tutje ka bërë të ditur se mëngjesin e sotëm ka vizituar IML-në dhe nga zyrtarët kompetencë është njoftuar se në mbajtëset e epruvetave kanë qenë 15 epruveta me gjak, një epruvetë e urinës dhe një e lukthit.

Related posts

Mijëra besimtarë falin namazin e Bajramit në Xhaminë e Madhe Ajasofja

admin

Inaugurohet Xhamia e Re në Zym, Dragash, me Pjesëmarrjen e Shumë Besimtarëve

admin6

Borrell raporton para Këshillit të Ministrave për situatën në veri

admin