Presidenti rus, Vladimir Putin, ka deklaruar se Turqia mbetet një nga “partnerët e privilegjuar” të Moskës në politikën e jashtme dhe bashkëpunimin ekonomik, transmeton Anadolu.
Duke folur gjatë një takimi në kryeqytetin Bishkek tw Kirgistanit me presidentin turk, Recep Tayyip Erdogan, Putin tha se bashkëpunimi ekonomik mes dy vendeve vazhdon të jetë në nivel të lartë falë interesimit të presidentit Erdogan.
Putin gjithashtu theksoi se Rusia dhe Turqia vazhdojnë zbatimin e projekteve të mëdha të përbashkëta, përfshirë Centralin Bërthamor Akkuyu.
“Ju keni vendosur si objektiv vënien në funksion të njësisë së parë të centralit këtë vit. Kjo do të realizohet”, tha Putin.
Takimi u zhvillua në margjinat e samitit të Organizatës së Bashkëpunimit të Shangait (SCO) në Bishkek, i cili shënon 25-vjetorin e organizatës dhe mbledh liderët e shteteve anëtare dhe partnerëve të ftuar.
