Këtë vit Shqipërinë e vizituan 46,8% më shumë turistë të huaj se një vit më parë, duke arritur në total në 7,1 milionë vizitorë.
Ndërsa ndau statistikat, Kryeministri Edi Rama u shpreh se lajme të mira vijnë edhe për muajin nëntor të këtij viti në turizëm.
“Statistikat tregojnë për shtimin e vizitorëve të huaj +46,8% krahasuar me një vit më parë, e në total 7,1 milionë nga janari në nëntor, rekord i të gjithë viteve”, tha ai.
Në nëntor të vitit 2021 Shqipërinë e vizituan 244 061 vizitorë të huaj ndërsa për të njëjtën periudhë të vitit 2022 vendin e vizituan 358 350 vizitorë të huaj.
Ndërsa për periudhën janar-nëntor 2021 vendin e vizituan 5 421 240 vizitorë të huaj, ndërsa për të njëjtën periudhë të vitit 2022 vendin e vizituan 7 152 242 vizitorë të huaj, ose 31,9% vizitorë më shumë se një vit më parë.
