Përpjekjet diplomatike për të nisur negociata mes Izraelit dhe Libanit po vazhdojnë prapa skenave, por deri tani nuk është arritur ndonjë përparim i rëndësishëm.
Sipas burimeve izraelite të cituara nga agjencia Reuters, pritet që në ditët në vijim të zhvillohen bisedime mes dy palëve. Megjithatë, iniciativa e presidentit të Libanit, Joseph Aoun, për të hapur një kanal të drejtpërdrejtë negociatash me Izraelin po përballet me disa pengesa.
Ndër pengesat përmenden mungesa e një qëndrimi të qartë nga Shtetet e Bashkuara, refuzimi i Izraelit për të ndalur sulmet dhe raportet për përgatitje të një ofensive të mundshme tokësore në jug të Libanit.
Ndërkohë, presidenti i Francës, Emmanuel Macron, po vazhdon përpjekjet diplomatike për të ulur tensionet dhe për të krijuar një atmosferë që mund të hapë rrugën për negociata mes dy vendeve. /mesazhi
