Përballë rritjes së numrit të të pastrehëve këtë dimër në Londër, kryebashkiaku Sadiq Khan, kritikoi sot indiferencën e qeverisë dhe njoftoi zgjatjen e programit të ndihmës emergjente.
Në Londër, më shumë se 1,200 njerëz flinin në rrugë në fillim të janarit, kur autoritetet lokale shpalosën planin e tyre për të ofruar ndihmë urgjente për të pastrehët.
Kjo është një rritje prej 30% krahasuar me të njëjtën periudhë të vitit të kaluar. Ndërmjet tetorit dhe dhjetorit 2023, shërbimet e Londrës ndihmuan 8% më shumë njerëz të pastrehë sesa në të njëjtën periudhë të vitit 2022, shtoi ai.
Kjo rritje vjen kryesisht për shkak të krizës së kostos së jetesës që po prek Britaninë prej më shumë se një viti dhe rritjes së qirave në Londër. /abcnews
