RTV AHIRETI
FeaturedKosovëLajmeLajmetShëndetësi

Rritja e rasteve me COVID-19, ministria thotë se nuk pritet ashpërsim i masave

rritja-e-rasteve-me-covid-19,-ministria-thote-se-nuk-pritet-ashpersim-i-masave

Ndonëse ditëve të fundit në Kosovë është shënuar rritje enorme e rasteve të reja me coronavirus, autoritetet shëndetësorë thonë se nuk pritet të ketë ashpërsim të masave.

Në një përgjigje me shkrim për Telegrafin, nga Ministria e Shëndetësisë kanë thënë se në fuqi do të mbesin masat e miratuara më 30 prill.

“Ministria pranon rekomandime nga Instituti Kombëtar i Shëndetësisë Publike të Kosovës dhe Këshilli i ekspertëve për COVID-19. Aktualisht rekomandimet e këtyre trupave dhe të MSh-së janë që të zbatohen masat në fuqi nga 30 prilli; të bartet maska mbrojtëse në mjedise të mbyllura, qytetarët t’u përgjigjen thirrjeve për vaksinim me të gjitha dozat e lejuara sipas kategorive e grupmoshave të popullatës, ndërsa ata me simptoma të testohen”, thuhet në përgjigjen e ministrisë.

Lexo po ashtu:
Raporti i COVID-19: Një i vdekur dhe 842 raste të reja
Raporti i COVID-19: Një i vdekur dhe 842 raste të reja
Sipas këtij institucioni, numri në rritje i rasteve me COVID-19 aktualisht nuk po rezulton me rritje të madhe të numrit të personave me forma të rënda dhe që kërkojnë tretman spitalor.

“Sidoqoftë, ndërmarrja e çfarëdo mase varet nga rekomandimet që japin ekspertët dhe bazuar në treguesit shëndetësorë ku hyn edhe numri i pacientëve që kanë nevojë për tretman spitalor apo mjekim intensiv, numri i vdekjeve, numri i vaksinimeve, etj”.

Ministria e Shëndetësisë

Tutje, thuhet se rritje të ngjashme të numrit të të infektuarve ka edhe në shumë shtete, por që “shumica prej tyre janë të kujdesshme sa u përket masave të cilat janë proporcionale me ashpërsinë e varianteve në qarkullim dhe me ngarkesën që sjellin për spitalet rastet e reja”.

Ndërsa, të pyetur për masat që kanë ndërmarrë për menaxhimin e situatës me pandeminë, nga MSh-ja përmendën shtimin e kapaciteteve spitalore, rritjen e numrit të testimeve dhe gjurmimeve të kontakteve dhe sigurimin e vaksinave anti-COVID.

“Hapat e ndërmarrë kanë të bëjnë me mobilizimin e kapaciteteve spitalore në Shërbimin Spitalor Klinik dhe Universitar të Kosovës si dhe spitale të përgjithshme, rritjen e numrit të testimeve dhe gjurmimit të kontakteve, sigurimin e vaksinave të mjaftueshme kundër COVID-19, lejimin e vaksinimit me dozën e IV-të të personave mbi 60 vjeç dhe, gjithashtu, lejimin e vaksinimit të fëmijëve prej 5-11 vjeç me doza pediatrike të siguruara bashkë me materialet e përshtatshme për administrimin e dozave për fëmijë të kësaj grupmoshe”.

Gjithashtu, thuhet se për të gjithë personat mbi 12 vjeç është lejuar vaksinimi me tri doza.

Ndryshe, të martën në Kosovë është regjistruar një viktimë si pasojë e COVID-19 dhe janë regjistruar 842 raste të reja të infektimit.

Related posts

Google pushon nga puna më shumë punëtorë që protestuan ndaj marrëveshjes së saj me Izraelin, thonë aktivistët

RTI

Forcat izraelite vrasin 3 palestinezë dhe plagosin 29 në Bregun Perëndimor të pushtuar

admin

Bullgari, qeveria e përkohshme merr detyrën

RTI